ശബരിമലയിലെ പൊന്നിന് ചിങ്ങൊളിയില് കണ്ണ് വെച്ചവര് ആരൊക്കെയാണ്? അയ്യപ്പന്റെ ശ്രീകോവിലിലെ സ്വര്ണ്ണം കവര്ന്ന കള്ളന്മാര്ക്ക് നടന് ജയറാമുമായി എന്ത് ബന്ധം? ശബരിമല സ്വര്ണ്ണവാതില് നിര്മ്മാണത്തിലെ അഴിമതിയും കൊള്ളയും അന്വേഷിക്കുന്ന ക്രൈംബ്രാഞ്ച് സംഘത്തിന് മുന്നില് നടന് ജയറാം നല്കിയ മൊഴികള് ഒന്നൊന്നായി പൊളിയുകയാണ്. അന്വേഷണ സംഘത്തെ തെറ്റിദ്ധരിപ്പിക്കാന് താരം നടത്തിയ ‘കള്ളക്കളി’ തെളിവുകള് സഹിതം പുറത്തുവരുമ്പോള് മലയാളത്തിന്റെ പ്രിയ താരം പത്മവ്യൂഹത്തില് അകപ്പെടുകയാണ്!
2019-ലാണ് കേസിനാസ്പദമായ സംഭവങ്ങള് നടക്കുന്നത്. ശബരിമലയിലെ സ്വര്ണ്ണവാതില്, കട്ടിളപ്പാളി, ദ്വാരപാലക പാളികള് എന്നിവയുടെ നിര്മ്മാണത്തില് വലിയ തോതില് സ്വര്ണ്ണം തട്ടിയെടുത്തു എന്നാണ് കണ്ടെത്തല്. ഇതില് ജയറാമിന്റെ മൊഴിയിലെ പ്രധാന പൊരുത്തക്കേട് സമയത്തെക്കുറിച്ചാണ്. സ്മാര്ട്ട് ക്രിയേഷന്സ് ഫാക്ടറിയില് നടന്ന പൂജയിലും തന്റെ വീട്ടില് നടന്ന പൂജയിലും പങ്കെടുത്തത് ഒരേ ദിവസമാണെന്നാണ് ജയറാം മൊഴി നല്കിയത്. എന്നാല് ക്രൈംബ്രാഞ്ച് കണ്ടെത്തിയത് ഞെട്ടിക്കുന്ന വിവരമാണ്. കട്ടിളപ്പാളിയുടെ പൂജ നടന്നത് ജൂണിലും, ദ്വാരപാലക പാളികളുടെ പൂജ ജയറാമിന്റെ വീട്ടില് നടന്നത് സെപ്റ്റംബറിലുമാണ്! മൂന്ന് മാസത്തെ വ്യത്യാസമുള്ള രണ്ട് കാര്യങ്ങള് എങ്ങനെ ജയറാമിന് ‘ഒറ്റ ദിവസം’ ആയി മാറി? ഇവിടെയാണ് ദുരൂഹത ആരംഭിക്കുന്നത്.
സ്വര്ണ്ണപ്പാളികള് ജയറാമിന്റെ വീട്ടില് എത്തിച്ചിട്ടില്ലെന്നാണ് ശില്പി ഉണ്ണികൃഷ്ണന് പോറ്റി ആവര്ത്തിച്ചു പറയുന്നത്. പാളികള് ചീത്തയാകാതിരിക്കാന് പലകയില് അടിക്കാന് വേണ്ടിയാണ് ജയറാമിന്റെ വീട് ഉപയോഗിച്ചതെന്നാണ് ശില്പിയുടെ വാദം. എന്നാല്, ജയറാമിന്റെ വീട്ടില് സ്വര്ണ്ണപ്പാളികള് നിരത്തിവെച്ച് പൂജ നടത്തുന്ന ദൃശ്യങ്ങള് ഇപ്പോള് പുറത്തുവന്നിട്ടുണ്ട്. സ്മാര്ട്ട് ക്രിയേഷന്സില് കട്ടിളപ്പാളിയുടെ പൂജ നടക്കുമ്പോള് ശബരിമലയില് നിന്ന് ദ്വാരപാലക പാളികള് ഇളക്കി മാറ്റിയിട്ടുപോലുമില്ലായിരുന്നു. ഇല്ലാത്ത പാളികള് എങ്ങനെ ജയറാമിന്റെ വീട്ടില് പൂജയ്ക്ക് എത്തും? അതോ ശബരിമലയില് നിന്ന് ആരും അറിയാതെ സ്വര്ണ്ണം കടത്തിയോ? അന്വേഷണ സംഘത്തിന്റെ ചോദ്യങ്ങള്ക്ക് മുന്നില് താരം വിയര്ക്കുകയാണ്.
ശബരിമല പോലുള്ള ഒരു പുണ്യസ്ഥലത്തെ ആചാരങ്ങളുമായി ബന്ധപ്പെട്ട വസ്തുക്കള് ഒരു സ്വകാര്യ വ്യക്തിയുടെ വീട്ടിലെത്തിച്ച് പൂജ നടത്തിയത് തന്നെ വലിയ നിയമലംഘനമാണ്. ഇതിനുപിന്നില് സ്വര്ണ്ണം കടത്താനുള്ള ഗൂഢാലോചനയുണ്ടോ എന്നാണ് ക്രൈംബ്രാഞ്ച് പരിശോധിക്കുന്നത്. ഉണ്ണികൃഷ്ണന് പോറ്റിയുടെ നിര്ദ്ദേശപ്രകാരമാണ് പൂജയില് പങ്കെടുത്തതെന്ന ജയറാമിന്റെ വാദവും ഇപ്പോള് സംശയനിഴലിലാണ്. രണ്ട് തവണയും ജയറാം തന്നെ നേരിട്ട് ബന്ധപ്പെട്ടാണ് പൂജകള് ക്രമീകരിച്ചതെന്ന് റിപ്പോര്ട്ടുകള് സൂചിപ്പിക്കുന്നു. ഈ പൊരുത്തക്കേടുകള് താരത്തെ ഒരുപക്ഷേ പ്രതിപ്പട്ടികയിലേക്ക് വരെ എത്തിച്ചേക്കാം.
മലയാളികളുടെ സ്വകാര്യ അഹങ്കാരമായ നടന്, ശബരിമലയിലെ സ്വര്ണ്ണക്കൊള്ളയില് അറിഞ്ഞോ അറിയാതെയോ പങ്കാളിയായോ? അന്വേഷണ സംഘത്തിന്റെ അടുത്ത നീക്കം നിര്ണ്ണായകമാണ്. ജയറാമിനെ വീണ്ടും ചോദ്യം ചെയ്യാനും കടുത്ത നടപടികള് സ്വീകരിക്കാനും പോലീസ് ഒരുങ്ങുകയാണ്. സത്യം പുറത്തുവരും വരെ ഈ പത്മവ്യൂഹത്തില് നിന്ന് ജയറാമിന് രക്ഷപെടാനാകില്ല.
